काठमाडौं ,मंसिर ७ विहिवार ।पशुपतिशमशेर जबरालाई बुधबार राष्ट्रपति विद्यादेवी भण्डारीले नवनिर्वाचित ज्येष्ठ सदस्य पद तथा गोपनीयताको शपथग्रहण गराउनु भएकाे थियाे ।
प्रतिनिधि सभामा तीन महिनादेखिको रिक्त भएकाे सङ्घीय संसद्जनप्रतिनिधिले भरिने भएको छ।
ज्येष्ठ सदस्य राणाले आज प्रतिनिधि सभाका अरू नवनिर्वाचित सदस्यलाई शपथग्रहण गराउने कार्यक्रम रहेको छ। आज दिउँसो १ बजे सदस्यहरूको पद तथा गोपनीयताको शपथ हुनेछ। ज्येष्ठ सदस्यबाट शपथ लिएसँगै सदस्यहरूको कार्यकाल प्रारम्भ हुनेछ। सदस्यका रूपमा पाउने सेवासुविधा पनि आजदैखि प्रारम्भ हुनेछ।
आज २६ सदस्यले मातृभाषामा शपथ लिदैछन् । १४ फरक–फरक भाषामा २६ सदस्यले मातृभाषामा शपथ लिने भएका हुन्। प्रधानमन्त्री चयनअघि नै सदस्यको शपथ गराउने सरकार र संसद् सचिवालयको परामर्शपछि यो पटक चाँडै शपथ हुन लागेको हो।
अघिल्लो पटक अधिवेशन प्रारम्भको एक दिनअघि शपथ गराइएको थियो। यस पटक सरकारले औपचारिक रूपमा अधिवेशन भने सिफारिस गरेको छैन।
