पार्टी सदस्यताकाे विषयलाई लिएर विवाद गर्नु पर्ने कुरै छैन।

काठमाडौं ,। विद्यादेवी भण्डारीले आफ्नो पार्टी सदस्यता नवीकरण भइसकेको बताएकी छन् । आज (शुक्रबार) आयोजित पत्रकार सम्मेलनलाई सम्बोधन गर्दै उनले पार्टी सदस्यतामा विवाद गर्नुपर्ने विषय नै नरहेको बताईन् । उनले आफू राजनीतिक व्यक्ति रहेको र राजनीतिक व्यक्ति भएकै कारण देशको सर्वोच्च पद राष्ट्रपति बनेको पनि बताईन् । उनले राष्ट्रपतिको भूमिका पूरा गरिसकेपछि पुनः राजनीतिक दलमा आवद्ध बनी देश र जनताको सेवा गर्नु कुनै नौलो कुरा नहुने बताईन् ।
साथै, उनले पार्टी अध्यक्षसमेत रहेका प्रधानमन्त्री केपी शर्मा ओलीसँगको भेटवार्ताबारे पनि बताईन् । भेटवार्तामा पार्टी सदस्यता नवीकरण गरेको जानकारी गराएको पनि उनले सुनाईन् ।

‘मैले पार्टी अध्यक्षसँगको पछिल्लो भेटमा आफूले विधिवत ढङ्गले पार्टी सदस्यता नवीकरण गरेको र यसै आधारमा पार्टीमा आवद्ध भएर कार्य गर्ने विषयमा समेत छलफल गरेको थिएँ । यसको भोलिपल्ट पार्टी केन्द्रीय समितिले मेरो सदस्यता नवीकरण नगरेको कुरा पार्टीले गरेको निर्णयबारे जारी गरिएको विज्ञप्तिबाट थाहा पाएँ,’– उनले भनिन् ।
पार्टी सदस्यताकाे विषयलाई लिएर विवाद गर्नु पर्ने कुरै छैन।